文/李文煥
頭擺頭擺，在青溜溜个大山肚，戴等一隻當慈愛个羊仔阿姆，摎佢七隻活跳个細羊仔寶貝。
羊仔阿姆從來無想著自家會降出七隻細羊仔——「 本旦恅著三隻就當多了！」佢常常恁樣笑等講。毋過，既然天公送來七隻細寶貝，佢就摎淰淰个愛分分每一隻細羊仔，從來都毋曾偏心過。
但係，厥滿子仔出世个時節，身體較殗弱、目珠乜看毋清楚，淨看得著光線摎烏影定定。毋過，好得佢有一對當靈个耳公，聽得著當遠个鳥仔叫、樹葉仔搖个沙沙聲，還分得出係麼人个腳步聲。佢還有一粒當生活个頭那，總係愛問：「仰會恁樣？假使恁樣會仰般？」
有一日朝晨頭，羊仔阿姆背起菜籃仔，準備去街項買紅蘿蔔仔、青草餅仔摎羊乳糖。
佢出門前，特別叮嚀七隻細羊仔：「你兜愛記得，千萬毋好開門分生份人入來，尤其係該隻孤盲个大野狼，佢最會挶聲、梟人，會拐細人仔開門來咈！」
「知咧，阿姆！」七隻細羊仔拍拍胸脯共下應。
羊小弟臥起頭那，細聲問：「阿姆，你轉來个時節，做得先喊一聲無？ 想聽看啊，係毋係若聲，恁樣 正確定係你。」
羊仔阿姆笑等挲挲厥細頭那，溫柔个講：「當然會啊！心肝仔，阿姆知你耳公當利！」
阿姆一走，大野狼斷真偷偷仔出現咧！
佢行到門口，咚！咚！咚！敲門：「倈仔妹仔啊～係阿姆啊～遽遽來開門啊～」
這兜細羊仔黏時警覺起來：「哼！你正毋係 兜个阿姆！若聲哨粗噼噼仔，一聽就知係該戇霸个大野狼！」
大野狼譴到牙研目皺：「哼，這幾隻細鬼仔仰恁難騙！」
佢跈等走去舐咧幾湯匙个蜂糖，還塞歸嘴仔棉花糖，摎聲挶到甜甜、幼幼，聽起來像軟軟个粢粑仔。
佢又倒轉來碰門：「細寶貝啊～阿姆轉來咧～遽開門啊～」
這擺，前六隻細羊仔聽啊著，歡喜壢天喊：「阿姆轉來咧！係阿姆个聲！」
毋過羊小弟緊搖頭：「毋著毋著！該毋係阿姆！阿姆个聲雖然柔，但係尾項會有一息仔ㄤ聲，還會輕輕仔勾上去，你兜敢無聽出來？」
阿哥阿姊頓恬，講：「該……請阿姆摎手伸入來，分 兜看啊係毋係若手啦！」
大野狼聽著，煞煞走去摎自家个大爪仔膏白麵粉，再細義个對門縫仔伸入來。
六隻細羊仔看著伸入來个爪仔白白，雖然有一息仔粗，毋過還係講：「係阿姆个手啦！白白个，無問題！」
但係羊小弟額結結仔講：「等一下仔，分 摸看啊。」
佢伸出細手，定定仔摸啊摸，再伏過去用鼻公鼻啊鼻。
「這毋係阿姆个手！」佢大聲喊，「阿姆个手係又幼又軟个，這隻又粗又硬，還有臭臊味！定著係大野狼！」
阿哥阿姊嗄講：「你又看毋清楚，莫在該儘採講咧， 兜有看真係阿姆个手啦！」
佢兜又枵又急，肚屎咕嚕咕嚕緊叫，故所就舂過去摎門打開了——
「哇哈哈哈！」大野狼一口氣衝入屋肚，咕嚕咕嚕摎六隻細羊仔通通吞落肚！
羊小弟驚到恄恄顫，趁等亂糟糟个時節，佢偷偷匿匿匿囥入廳下个壁廚裡背，無聲無說大氣就毋敢敨。
過無幾久，羊仔阿姆轉來咧。
佢 開門，大聲喊：「細人仔啊～阿姆轉來咧～你兜在哪位呀？」
羊小弟聽啊著，黏時認出該係阿姆个聲音。佢打開壁廚門，舂出來，伏入阿姆个心肝頭，噭等講：「阿姆！係大野狼！佢摎阿哥阿姊做下咈落肚屎咧！」
羊仔阿姆目汁濫泔，緪緪揇等羊小弟：「若細人仔啊……仰結煞正好？」
羊小弟用鼻公鼻啊鼻仔空氣，講：「 鼻著大野狼个味了，佢定著還在附近仔！ 帶你去尋佢！時間過無幾久，無定著阿哥阿秭還救得著！」
佢帶等阿姆順等臭臊个狼味，一路行到樹頭下，斷真發現大野狼橫在草坪項，嘴擘擘仔睡到牽聲！
羊小弟講：「阿姆， 聽見佢在該牽聲，佢睡死咧！遽遽！ 俚去尋索仔，摎佢䌈起來！」
佢兩儕尋來粗索仔，定定仔摎大野狼䌈到緪緪。阿姆擎等細剪刀，定定仔破開大野狼个肚屎皮。
「噗通！噗通！噗通！」六隻細羊仔一隻接一隻對大野狼个肚屎飆出來！
大家揇共下，又噭又笑，歸間屋仔又鬧熱起來咧！
對該日起勢，六隻細羊仔無過再笑羊小弟看毋著了，因為佢兜學著了：「目珠看著个，毋定著係真个，用耳公聽、用鼻公鼻、用心去感受，有成時比麼个都還較清楚。」
【華語】 羊小弟的超能力
很久很久以前，在翠綠的大山裡，住著一位非常慈愛的母羊，和她七隻活潑的小羊寶貝。
母羊從來沒想過自己會生下七隻小羊——「我原本以為三隻就很多了呢！」她常常這樣笑著說。不過，既然老天爺送來了七隻小寶貝，她就把滿滿的愛分給每一隻小羊，從來不曾偏心過。
但是，她最小的孩子出生時，身體比較虛弱、眼睛也看不清楚，只能看得到光線與黑影而已。不過，幸好他有一對非常靈敏的耳朵，聽得到很遠的小鳥叫聲、樹葉搖晃的沙沙聲，甚至還分辨得出是誰的腳步聲。他還有一顆非常靈活的頭腦，總是喜歡問：「為什麼會這樣？要是這樣的話會怎樣？」
有一天早晨，母羊背起菜籃，準備去街上買紅蘿蔔、青草餅乾跟羊奶糖。
她出門前，特別叮嚀七隻小羊：「你們要記得，千萬不可以開門讓陌生人進來，特別是那隻壞心的大野狼，他最會裝聲音、欺負人，會拐騙小朋友開門來吃掉喔！」
「知道啦，媽媽！」七隻小羊拍拍胸脯異口同聲地回答。
羊小弟抬起頭，小聲地問：「媽媽，妳回來的時候，可以先叫一聲嗎？我想聽聽看是不是妳的聲音，這樣我才能確定真的是妳。」
母羊笑著摸摸他的小頭，溫柔地說：「當然會啊！心肝寶貝，媽媽知道你的耳朵很靈敏！」
媽媽一走，大野狼還真的偷偷摸摸出現了！
他走到門口，咚！咚！咚！地敲門：「孩子們啊～是媽媽呀～快快來開門啊～」
這些小羊立刻警覺起來：「哼！你才不是我們的媽媽！你的聲音粗沙沙的，一聽就知道是那隻傻粗魯的大野狼！」
大野狼氣到咬牙切齒：「哼，這幾隻小鬼怎麼這麼難騙！」
他接著跑去舔了幾湯匙的蜂蜜，還塞了滿嘴的棉花糖，把聲音壓得甜甜的、細細的，聽起來就像軟軟的麻糬一樣。
他又折返回來敲門：「小寶貝啊～媽媽回來了～快開門啊～」
這次，前六隻小羊聽到了，高興得不得了，大喊：「媽媽回來了！是媽媽的聲音！」
不過羊小弟緊搖著頭：「不對不對！那不是媽媽！媽媽的聲音雖然溫柔，但是尾音會有一點點鼻音，還會輕輕地往上揚，你們難道沒有聽出來嗎？」
哥哥姊姊停了下來，說：「那……請媽媽把手伸進來，給我們看看是不是妳的手啦！」
大野狼聽到了，趕緊跑去把自己的大爪子塗上白麵粉，再小心翼翼地從門縫伸進來。
六隻小羊看到伸進來的爪子白白的，雖然有一點點粗糙，但還是說：「是媽媽的手啦！白白的，沒問題！」
但是羊小弟皺緊眉頭說：「等一下，讓我摸摸看。」
他伸出小手，慢慢地摸了摸，再湊過去用鼻子聞了聞。
「這不是媽媽的手！」他大聲喊道，「媽媽的手是又細又軟的，這隻又粗又硬，還有腥臭味！一定是大大野狼！」
哥哥姊姊卻說：「你又看不清楚，不要在那裡亂講啦，我們有看清楚真的是媽媽的手啦！」
他們又餓又急，肚子咕嚕咕嚕直叫，於是就衝過去把門打開了——
「哇哈哈哈！」大野狼一口氣衝進屋裡，咕嚕咕嚕地把六隻小羊通通吞進肚子裡！
羊小弟嚇得瑟瑟發抖，趁著混亂的時候，他偷偷摸摸躲進了客廳的壁櫥裡面，一動也不敢動，連大氣都不敢喘一聲。
過了不久，母羊回來了。
她推開門，大聲喊：「孩子們啊～媽媽回來了～你們在哪裡呀？」
羊小弟聽到了，立刻認出那是媽媽的聲音。他打開壁櫥門衝了出來，撲進媽媽的懷裡，哭著說：「媽媽！是大野狼！他把哥哥姊姊通通吃進肚子裡了！」
母羊眼淚直流，緊緊地抱著羊小弟：「我的孩子啊……這下該怎麼辦才好？」
羊小弟用鼻子聞了聞空氣，說：「我聞到大野狼的味道了，他一定還在附近！我帶妳去找他！時間才過去不久，說不定哥哥姊姊還有救！」
他帶著媽媽順著腥臭的狼味，一路走到大樹下，果然發現大野狼橫躺在草地上，張大著嘴巴睡到打呼！
羊小弟說：「媽媽，我聽見他在那裡打呼，他睡死了！快點！我們去找繩子把他捆起來！」
他們兩人找來粗繩子，慢慢地把大野狼捆得緊緊的。媽媽拿著小剪刀，慢慢地剪開大野狼的肚子。
「噗通！噗通！噗通！」六隻小羊一隻接一隻從大野狼的肚子裡蹦了出來！
大家抱在一起，又哭又笑，整間房子又熱鬧起來了！
從那天起，六隻小羊再也不會笑羊小弟看不見了，因為他們學到了：「眼睛看到的不一定是真的，用耳朵聽、用鼻子聞、用心去感受，有時候比什麼都還要清楚。」
〈【客語文薈】《羊小弟个超能力》 這是改編自七隻小羊的故事，用客語文書寫 （四縣腔） 〉這篇文章最早發佈於《新觀點》。